السلام عليكم ورحمة الله وبركاته
Dhumateng
juru pambiji ingkang dahat kinurmatan.
Dhumateng
rencang-rencang ingkang tansah kula tresnani.
Mangga
sesarengan kita tansah ngunjukaken raos syukur wonten ngarsa dalem Alloh SWT
ingkang sampun paring kanugrahan rahmat, taufiq, saha hidayahipun. Katitik ing
wekdal punika kula lan panjenengan sedaya tasih pinaringan kasugengan lan
karaharjan sahingga saged pinanggih wonten ing punika majelis kanthi mboten
wonten halangan satunggal punapa.
Sholawat
saha salam mugiyo tansah katur
kunjuk dhateng junjungan kita Nabi Agung
Muhammad SAW. Nabi ingkang sampun ngasta kita saking zaman jahilliyah dumugi
zaman Islamiyah.Lan mugi-mugi kita dados umatipun ingkang pikantuk syafa’atipun
benjing wonten ing yaumul qiyamah.Amiin....
Saderengipun kulo matur, kepareng kulo gempil kamardikan
ngabdiantara wonten ngarsa jengandika deg surotilar ing tata krami nerak ing
subosita miwahing tatanan negari sawetawis kula badhe ngaturaken pangriptaning basa Jawi wonten ing zaman
globalisasi.
Para
rawuh ingkang sinudarsana...
Globalisasi
punika satunggalipun istilah ingkang anggadhai sesambetan kaliyan kemajengan
silih gandeng lan silih gumantung antarbangsa lan antar manungsa ing
saindenging dunya saha kemajengan teknologi. Saged dipun tingali wonten ing
masyarakat kita selaku pribumi tanah Jawi sampun awis sanget ingkang migunaaken
basa kita piyambak, inggih punika basa Jawi. Dipun tuladhaaken wonten ing zaman
sakniki katah tiyang sepuh anggenipun nggulawentah putra-putrinipun punika
sampun ngangge basa ingkang langkung gampil anggenipun menggalih katimbang
ngangge basa Jawi. Sejatosipun basa Jawi punika minangka tanda-tandaipun basa
ingkang asli tanah Jawi. Kejawi saking punika basa Jawi ugi basa ingkang kebak
tata krami , tepa tuladha, adhap ashor ingkang mengkuh tatanan ukara kagem
mbentenaken antawisipun pacelathon tiyang ingkang tasih enem kaliyan tiyang
ingkang sepuh.
Para
rawuh ingkang tansah kulo hormati..
Sinten
malih ingkang kedah cantut taliwanda anggigah tiyang Jawi ing wekdal punika kesengsem dhumateng basa sanes
lan salajengipun anggilut basa kita piyambak,kejawi kula lan panjenengan sedaya. Jejibahan punika
pancen awrat katingalipun, ananging menawi saestu katindakaken kanthi estining
manah sayektos badhe wonten uwohipun. Lan uwoh kalawau ingkang kita
idham-idhamaken sageda mekar lan tumangkaripun basa Jawi ingkang anggadhai greget lan kapitadosan ingkang
tumemen lan basa Jawi mboten kasingsal menawi katandingaken
kaliyan basa sanes.
Para rawuh
ingkang tansah kulo hormati
Mekaten
ingkang saged kula aturaken, mugi-mugi sinaosa namung sekedhik wonten manfa’atipun,
menawi leres mliginipun saking ngarsa dalem Alloh SWT. Dene lepatipun saking kekirangan kula piyambak. Mbok bilih
anggenipun kula matur, purwa madya wusana katah cicir cuwed kuciwaning basa
miwah ukara, kula nyadong tumetesing samudra bena pangaksama.Ing wasana
minangka panutuping atur..
والسلا م عليكم ورحمة الله وبر كا ته
Tidak ada komentar:
Posting Komentar